06/04/2009

O DÍA DE WILL BYNUM

Todas as aspiracións dos Bobcats por estar nos playoffs pasaban por vencer aos Pistons, oitavos, en Detroit. Mais bateron co verdugo máis inesperado: Will Bynum, terceiro base dos Pistons, que fixo o partido da súa vida. Anotou 32 puntos, 26 deles no último cuarto!!!, record histórico da histórica franquía de Michigan. Unha auténtica xesta que certifica a presenza do seu equipo na postemporada. Coa súa actuación estelar, Bynum desequilibrou finalmente (97-104) un partido que os Bobcats gañaban por un ao remate do terceiro cuarto. En Nova Jersey, os Sixers fixeron o peor partido (67-96) da temporada e volvéronlle ceder o quinto posto da Conferencia aos Heat. Para os de DiLeo apenas Louis Williams anotou máis de dez puntos. Miller e Iguodala, decisivos a noite anterior ante os Pistons, quedaron nuns tristes 7 e 5 puntos respectivamente e piden a berros descanso de cara aos playoffs. Pola súa banda, en the Q de Cleveland, os Cavs resarcíronse das súas dúas últimas e humillantes derrotas ante Wizards e Magic, cunha clara vitoria (81-101) ante San Antonio Spurs. Lebron James anotou 38 puntos. En Toronto, os Knicks vingáronse (112-103) dos Raptors, que viñan de gañar no Madison, e cortaron a xeira de seis vitorias seguidas da franquía canadense malia os 31 puntos e 14 rebotes de Chris Bosh. No Oeste, os Nuggets aproveitaron a derrota de San Antonio para afianzarse no segundo posto impoñéndose claramente aos Timberwolves (110-87). Os Rockets tamén deron un paso importante na súa loita polo cuarto posto ao gañarlle (88-102) ao seu rival directo, os Blazers. Os Mavericks, entrementres, sepultaron as poucas opcións dos Suns de entrar nos playoffs cun contundente 116-140. No duelo entre dous equipos en declive, os Jazz impuxéronse na cancha dos Hornets (108-94). Os Lakers, moi relaxados nas últimas semanas, vnceron no derbi anxelino ante os Clippers (88-85). Outros partidos: Warriors- Kings (105-100), Pacers-Thunder (117-99). (A foto da web da NBA)

2 comentários:

  1. Es que Bynum es un crack. Por eso se lo llevaron de vuelta desde Europa. Ojalá siga gozando de minutos para demostrar lo que vale. Y otro que me parece que puede seguir sus pasos es Lynn Greer. Vaya genio. Aunque a lo mejor el ser tan pequeño sería un lastre en la NBA.

    Un saludo!

    Páginas Deportivas

    ResponderExcluir
  2. Un crack si, pero...26 puntos no último cuarto nun partido tan decisivo é unha auténtica pasada. UNHA APERTA

    ResponderExcluir