14/02/2009

DURANT PROTAGONISTA

O aleiro de segundo ano dos Thunder de Oklahoma City foi o gran protagonista do partido dos rookies contra os sophomores co que deu comezo a fin de semana das estrelas da NBA en Phoenix. Durant anotou 46 puntos, ademáis de 7 rebotes e 4 asistencias, colaborando activamente na remontada dos sophomores ante uns rookies que saíron bravos no primeiro tempo do partido. Con esta grande actuación individual, Durant dá un golpe na mesa, pois ata agora a súa gran campaña nos Thunder non tivo a repercusión mediática que realmente merece, por mor da fraqueza do seu equipo, pero Kevin Durant está chamado a converterse nun dos xogadores máis relevantes da Liga profesional americana nun futuro próximo, posíbelmente nos propios Thunder que terán que medrar a partir dos seus xogadores máis novos: Durant, Jeff Green e Russell Westbrook, que tamén foron protagonistas do partido de hoxe. Por certo, chama a atención unha noticia que se deu a coñecer esta madrugada: Shawn Marion, xunto co base Marcus Banks, vai para Toronto a cambio de Jermaine O´Neal e Jamario Moon, que acompañarán a Dwayne Wade en Miami. Un movemento abofé arriscado que veremos a quen beneficia se é que beneficia a algunha das dúas partes.

2 comentários:

  1. Vaya futuro les espera a los Thunder, sobre todo si consiguen hacerse con los servicios de un buen center. A ver si en el draft de este año, aunque parece que viene flojo en hombres altos...
    Un saludo

    ResponderExcluir
  2. Necesitan un cinco como comer, é certo. Pero, si, a medio prazo poden chegar a ter un equipo moi bonito. Unha aperta.

    ResponderExcluir